Friday, June 8, 2012
Tuesday, June 5, 2012
సన్నజాజులు
సన్నజాజులు తెచ్చి నిన్నుపూజింతు
సకలభాగ్యములీయ నిన్నుయాచింతు
మందారములు తెచ్చి నిన్ను పూజింతు
మా ఎడద నిలువంగ నిన్ను యాచింతు ||సన్న||
కేదారములు తెచ్చి నిన్ను పూజింతు
ఆధారముగా నిల్వ నిన్ను యాచింతు ||సన్న||
ఎర్ర గన్నేరు పూల నిన్ను పూజింతు
ఏ వే ళ నా యండ నిన్ను యాచింతు ||సన్న||
తులసీ దళ మ్ముల నిన్ను పూజింతు
తులలేని సౌఖ్యాలు నిన్ను యాచింతు ||సన్న||
మల్లెపూవులు తెచ్చి నిన్ను పూజింతు
మా ఇంట నిలువంగ నిన్నుయాచింతు ||సన్న||
Monday, June 4, 2012
విన్నపాలు వినవలె
మనవి
కీర్తిశేషులు "కళాప్రపూర్ణ శ్రీ రావూరు వెంకట సత్యనారాయణరావుగారు" ప్రసిద్ధ రచయిత. నేను వారి ఏకైక పుత్రికని. నా పేరు తటవర్తి జ్ఞానప్రసూన. నేను మా నాన్నగారి రచనలు ఇందులో పొందు పరచాలనే ఆశయంతో ఈ బ్లాగ్ ప్రారంభిస్తున్నాను. రచనలు చేయడం ఒక ఎత్తు, ఆ రచనలని ప్రచురణ చేసు కోగలగటం ఇంకొక ఎత్తు, వాటి ద్వారా ధనం సంపాదించ గలగటం మరొక ఎత్తు. అన్నిటికంటే ముఖ్య మైనది, అవసర మైనది ఇంకొకటున్నది..అది రచనలు సమీకరించి భద్ర పరుచుకో గలగటం. అప్పుడే ఎప్పటికైనా రచనలని ప్రచురించుకొనే భాగ్యం కలుగుతుంది. మా నాన్న గారి రచనలు ఎవరిదగ్గరైనా వుంటే మాకు పంపిస్తే ఇందులో పెట్టుకొంటాను. ఈవిషయం లో సాహితీ ప్రియులందరూ సహకరించ వలసిందిగా ప్రార్ధిస్తున్నాను.
భవదీయురాలు,తటవర్తి జ్ఞానప్రసూన
Subscribe to:
Posts (Atom)